Partnarar

Fjordkystparken er ikkje berre ein organisasjon, parken er oss; medlemmane og partnarane. –
Gjennom samarbeid skaper vi utvikling. Partnarane våre kan vere bedrifter, lag og organisasjonar, skular, institusjonar eller privatpersonar.

Gjennom medlemskaet forpliktar ein seg til stille seg bak Fjordkystparken sine verdier og
formål. Alle medlemmar kan i tillegg velje å inngå ein partnarskapsavtale med Fjordkystparken. Alle partnarskapsavtalar har ein felles og ein individuell del, basert på kva ein vil samarbeide om , og korleis.

Fjordkystparken samarbeider med partnarane om både små og store prosjekt. Vi løftar fram
lokale initiativ, koplar folk saman, opnar dører til nettverk og fagmiljø, og bidreg med kompetanse, synleggjering og i enkelte tilfelle hjelp til å finne finansiering og utvikle prosjekt.

Å vere partnar i Fjordkystparken handlar om meir enn å vere med på ei liste. Det er eit uttrykk
for at du identifiserer deg med regionen vår og ønskjer å bidra til at han framleis skal vere levande, særprega og berekraftig. Det er eit tydeleg signal om at du bryr deg om landskapet, kulturarven og lokalsamfunna våre.

Partnarskapen opnar dører til nye samarbeid, nye møteplassar og nye moglegheiter. Du blir ein del av eit fellesskap av menneske og verksemder som ønskjer å skape aktivitet, utvikling og stoltheit i regionen.

Saman kan vi få til meir!