Denne hyggelege rundturen på om lag 2,5 km tek deg gjennom fleire ulike bergartar. Turen går frå konglomerat og vidare gjennom breksjer med fragment, hovudsakleg av grønskifer og grønstein, som stammar frå ein såkalla ofiolitt. Ein ofiolitt er delar av djuphavsskorpa som seinare har blitt pressa opp på land.
Breksje og konglomerat kan sjå nokså like ut, men skil seg i forma på steinane. Konglomerat inneheld meir avrunda steinar som har blitt slipt runde under transport i elvar, medan breksje består av kantete, knuste fragment.
Ved lågvatn kan ein også sjå ei stor jettegryte som har blitt forma av havet over lang tid.