Staden består mellom anna av omdanna basalt og gangar av basalt og gabbro frå den oseanske skorpa. På Tviberg finn ein òg grensa mellom den oseanske skorpa i Solund–Stavfjord-ofiolittkomplekset og Sunnfjord-mélangen. Dette området er viktig for å forstå prosessane knytte til danninga av oseansk skorpe og den påfølgjande skyvinga av denne over ein kontinentalmargin, i samband med den kaledonske fjellkjedefoldinga.
