På Smilla finst det eit marmorfelt som ligg som ei smal stripe i berggrunnen, frå Nygård i aust til Øn i vest. Kalksteinen i Smilla spelte ei viktig rolle i regionens industri frå 1890-åra og fram til tidleg på 1940-talet. Sjølv om kalken var noko urein, var kvaliteten god nok til bruk både som murkalk i byggjearbeid og som gjødselkalk i jordbruket. Sidan det fanst få andre kalkførekomstar i fylket, vart dette funnet rekna som ein verdifull naturressurs og fekk stor lokal betydning.
