Om oss
Fjordkysten regional- og geopark er eit medlemsstyrt lag som arbeider for å ta vare på, formidle og utvikle natur- og kulturarven i regionen. Medlemmane våre er privatpersonar, organisasjonar, bedrifter og kommunar som saman ønskjer å bidra til ei berekraftig utvikling av området.
Fjordkystparken
I dag har Fjordkystparken nær 100 medlemmar og partnarar.
Fjordkysten regional- og geopark er eit medlemsstyrt lag som arbeider for å ta vare på,
formidle og utvikle natur- og kulturarven i regionen. Medlemmane våre er privatpersonar,
organisasjonar, bedrifter og kommunar som saman ønskjer å bidra til ei berekraftig utvikling
av området. I dag har Fjordkystparken nær 100 medlemmar og partnarar.
Parken er organisert med parkmøtet som øvste mynde. Den daglege drifta vert ivareteken av
administrasjonen, medan styret og arbeidsutvalet har ansvar for den strategiske leiinga av
organisasjonen.
Styret består av ni medlemmer og tre varamedlemmer. Fjordkystparken har to tilsette som
arbeider med drift, utvikling, formidling og samarbeid på tvers av kommunane og partnarane i
parken.
Fjordkystparken omfattar fem kommunar og har fem visningssenter, såkalla episenter -eitt i
kvar kommune. Episentra er lokale knutepunkt for formidling, aktivitetar og samarbeid, og
vert drivne i tett samarbeid med utvalde partnarar og lokalsamfunn.
Folka i fjordkystparken
Tilsette
Dagleg leiar
Trude Søilen
Trude Søilen er dagleg leiar i Fjordkysten regional- og geopark. Ho er utdanna agronom og
spesialpedagog, og har vore med å utvikle parken heilt sidan prosjektfasen gjennom arbeidet
sitt i Norsk Kystkulturakademi AS.
Ho driv eit småbruk i Solund, der ho mellom anna arbeider med bevaring av kystlynghei. Ho
er også ein ivrig friluftsentusiast og viser gjerne fram den ytste kysten og det særprega
landskapet i geoparken frå kajakken.
Prosjektleiar
Espen Bråstein
Espen er prosjektleiar og geolog i Fjordkystparken.
Han har ei Cand.Scient grad i Strukturgeologi frå Universitetet i Bergen.
Styret
Styret er ansvarleg for den strategiske leiinga av Fjordkysten regional- og geopark og skal arbeide for å vidareutvikle parken i tråd med formålet, vedtektene og dei langsiktige måla våre.
Styret har ei brei samansetjing med representantar frå alle eigarkommunane, næringslivet, partnarorganisasjonar og frivillig sektor. Denne breidda sikrar at ulike perspektiv, erfaringar og interesser vert tekne med i utviklinga av parken, og at arbeidet er godt forankra i heile regionen.
Kvart år vert det arrangert eit parkmøte der medlemmar, partnarar og andre interesserte samlast for å gjennomføre årsmøte, få informasjon om aktivitetar og planar, og drøfte viktige tema for utviklinga av parken og regionen.
Gjeldande styre vart valt på parkmøtet 18. mars 2026.
Kjetil Felde
Fagansvarleg IKT – Helse Sunnfjord og Ytre Sogn IKT
Styreleiar
Marita Solheim
Dagleg leiar Visit FjordKysten & Sunnfjord
Nestleiar
Kjell Mongstad
Dagleg leiar Norsk Kystkulturakademi as
Styremedlem
Arnt Henning Blom
Fiskar
Styremedlem
Liv Hege Skagestad
Dagleg leiar Den mangfaldige scenen og Rådgjevar Jakob Sande – senter for forteljekunst
Styremedlem
Anne Lileaasen
Varaordførar i Sunnfjord kommune og Seniorrådgjevar i Helse Førde
Styremedlem
Gunnar Osland
Sjølvstendig næringsdrivande landbruk
Styremedlem
Kjell Eide
Ordførar Hyllestad
Styremedlem
Anne Kristine Dyrdal
Rådgjevar i Solund kommune
Styremedlem
Tone Nitter-Lone Undertun
Sjølvstendig næringsdrivande reiseliv
Varamedlem
Ole Ivar Åm Sognnes
Sjølvstendig næringsdrivande landbruk
Varamedlem
Ole André Klausen
Ordførar Askvoll
Varamedlem
Dokument
I media
Fjordkystparken har fått internasjonal merksemd for arbeidet med natur, kulturlandskap og lokalsamfunn. Her er eit utval av reportasjar.
Forbes
Forbes-journalist David Nikel skreiv at Fjordkysten Regional- og Geopark er Noregs nyaste UNESCO Global Geopark. Reportasjen løftar fram den særeigne kystlinja, geologien og samarbeidet mellom dei fem kommunane.
UNESCO
UNESCO sin reportasje følgjer villsaulaget, Truls og Hans Jørgen i arbeidet med kystlyngheia — og viser at landskapsskjøtsel handlar like mykje om relasjonar mellom menneske som om naturen.
CNN Call to Earth
CNN si miljøsatsing Call to Earth har laga ein videoreportasje om villsauen i Fjordkystparken og rolla han spelar i å bevare det opne kystlandskapet og det biologiske mangfaldet i kystlyngheia.
Sjå videoen på CNN →
