Eklogitten i Trøsdalen er danna ved at ein mørk magmatisk bergart, typisk basalt, diabas, gabbro eller amfibolitt, har blitt omdanna under ekstreme trykk- og temperaturforhold djupt nede i jordskorpa. Førekomsten av eklogitt viser at grunnfjellet i området ein gong har vore pressa ned til djupner på mellom 60 og 100 kilometer. Danninga av eklogitt i Vest-Noreg er knytt til kollisjonen mellom dei kontinentale platene Baltica og Laurentia for om lag 400 millionar år sidan.
